اعضای شورای عالی مصالحه ملی افغانستان معرفی شدند

محمداشرف غنی، رئیس جمهور افغانستان در فرمانی گفته که “براساس ماده ۶۴ قانون اساسی اسامی شورای عالی مصالحه ملی” را معرفی کرده است.

این شورا از سوی عبدالله عبدالله، رئیس شورای عالی مصالحه رهبری می‌شود.

ارگ ریاست جمهوری این فهرست را عصرشنبه ۸ سنبله/مرداد نشر کرد که شامل چهره‌های سرشناس سیاسی، جهادی، دولتی، غیردولتی، زنان فعال در عرصه‌های مدنی و سیاسی است.

شورای عالی مصالحه بعد از انتخابات ریاست جمهوری در سال ۲۰۱۹ به منظور رهبری روند صلح افغانستان ایجاد شد.

این شورا متشکل از هیات رهبری، شورای عالی مصالحه و هیات مذاکره کننده است.